37. (л. 30)
Року бжого 1665, марта 29 дня.
Предо мною Микитою Андриевичем, атаманом городовым, Семеном Горбанемъ, войтомъ мескимъ, и іных людей зацных не мало при том було.
Прохал нас, яко уряду городового, священоіерей Лука, протопопа Полтавский 3), до книг меских о записоване ведлугъ слушной виры, же продалъ есми дом отцу Гаврылию, священнику Диканскому, і отцу Василию, священику Будискому, за готовую суму, то ест за шистдесятъ золотых, стоячий в городи Полтави за Онтоновым домомъ по еднуй сторони а по другой сторони Аврамишинум, вичными часы. Волно пожитко- //
_________________
3) Лука Семеновичъ, протопопъ полтавский; родоначальникъ рода Старицкихъ.
// ват, яко пожитковал небожчик славной памети Ярема, Забилин зятъ, а мни тотъ домъ позостал за сорокоуста, за памети его.
Теды мы, яко урадъ будучи, и ведлугъ прозбы священоиерея Луки, яко и от обох сторон, казали записат, що ест и записано.
_________
Немає коментарів:
Дописати коментар